30 milljónir — kostnaður: 0 krónur. ♥

Kæru vinir. Tölvupóstur frá Árna í Húsasmiðjunni þar sem hann tilkynnti glaðlega um 500.000 kr. framlag þeytir Vináttu í verki yfir 30 milljón kr. múrinn 

Sífellt fleiri sveitarfélög taka þátt í kærleikskeðjunni sem við ætlum að mynda um allt land.

Stóru fyrirtækin sýna vitanlega samfélagslega ábyrgð í málinu, og eru að skila sér eitt af öðru. Lítil og meðalstór fyrirtæki eru að taka hressilega við sér.

En það er íslenska þjóðin sem nú sýnir allar sínar bestu hliðar og ber þessa söfnun vináttu og kærleika uppi.

Þegar söfnun er hafin á Flateyri, Árneshreppi og Grímsey sýnir það betur en nokkuð annað hug og hjörtu Íslendinga gagnvart okkar vinum á Grænlandi.

Við ætlum okkur í 50 m. eða 3 m. DKK. Upphæðir eru aukaatriði, en við eigum að sýna rausn og myndarskap — vináttu í verki!

Reikningsnúmer Vináttu í verki:

  • 0334-26-056200
  • Kennitala 450670-0499

Þá er hægt að hringja í 907-2003 og leggja þannig til 2.500 krónur.

Athugasemdir